.jpg){kind=small}
Plans de Estudos
Música e Movemento
Este ámbito formativo está dirixido exclusivamente aos alumnos de idades comprendidas entre os catro e sete anos. Co fin de introducir aos nenos no mundo da música a través do xogo, actividade rítmica e percepción auditiva desenvolveremos as súas capacidades expresivas e musicais que lles permitan unha práctica gozosa en actividades de grupo.
Divídese en dous niveis: iniciación ( 4 -5 anos) e formación básica ( 6 -7 anos).
Práctica Instrumental
Destinado a nenos e nenas maiores de oito anos e adultos/as, abrangue tres campos:
Instrumento: clase a tres
Canto - Clarinete - Frauta - Saxofón - Trompeta - Trompa - Trombón - Bombardino - Tuba - Violín - Viola - Violonchelo - Contrabaixo - Piano - Teclado - Batería - Percusión - Baixo Eléctrico - Guitarra Eléctrica
Formación Musical Complementaria
Coñecemento dos conceptos teórico/prácticos necesarios que permitan unha valoración e comprensión do fenómeno artístico-musical nos seus múltiples aspectos teóricos, históricos, estéticos e sociais.
Actividades de Conxunto
Diversas formacións vocais e instrumentais que posibilitan a práctica en grupo e o desenvolvemento social do alumnado.
Así mesmo, na formación instrumental desenvólvense os seguintes itinerarios:
Básico
Consta de tres anos de formación instrumental. Dirixido a alumnos a partir de 8 anos e adultos que se queren iniciar na práctica instrumental de forma afeccionada.
Medio
Consta de tres anos. Dirixido a alumnos que queren seguir desenrolando a súa formación instrumental.
Avanzado
Consta de dous anos. Dirixido a alumnos que queren profundar na súa formación instrumental ou orientar seu estudo a unha formación profesional e, se fora o caso a súa preparación para o acceso ao conservatorio.
Música Moderna
Consta de catro anos. Dirixido a alumnos que queren formarse e adquirir os coñecementos necesarios para desenvolverse nos diferentes estilos da música moderna.
For a Grup
Dirixido a aqueles alumnos que queren facer práctica instrumental ou vocal en grupo.