.jpg){kind=small}
PAISAXES SONORAS
ESCOLA MUNICIPAL DE MÚSICA DE VIGO
A Escola Municipal de Música de Vigo dependente do Departamento de Educación do Concello de Vigo presenta un curso máis o ciclo de concertos didáticos dirixidos a escolares de cuarto e quinto curso de primaria.
Nesta ocasión a Escola colabora co Museo Quiñones de León. O profesorado musicalizará unha visita guiada ao pazo, contextualizando a sua historia coa música de diferentes épocas.
Esta guía didáctica servirá como complemento e contén tres actividades para que o alumnado poida aproximarse dun xeito lúdico a PAISAXES SONORAS.
A finalidade é que o alumnado se decate da relación da música coas paisaxes e arquitecturas de diferentes épocas e xeografías.
As actividades presentadas nesta guía están pensadas para que poidan practicarse na aula de Música.
Esperamos que esta guía sexa de doada aplicación e de utilidade na labor docente, xa sexa como preparación para asistir ao concerto, como para despois do mesmo.
A música acompaña ao ser humano dende a época das cavernas. De sempre os seres humanos acompañaron as suas ceremonias, homenaxearon ós seus deuses e celebraron as suas festas con música e baile. Co paso dos anos a música evolucionou de forma diferente ao longo de todo o planeta e das suas culturas e épocas.
Nesta unidade didáctica poderemos escoitar música de moi diferentes lugares e épocas e poderémola relacionar cas diferentes paisaxes e arquitecturas que existen no mundo.
A música ten o poder de ambientar e describir de forma auditiva unha paisaxe, un templo, ou un edificio e tamén ten o poder de trasladarnos a diferentes civilizacións.
Como soa unha paisaxe?
Como soa unha cidade?
Como soa unha época?
Estas e outras moitas preguntas son as que hoxe nos imos plantexar.
E recordade! Ainda que hai unha relación directa entre as músicas e as imaxes ningunha resposta é incorrecta! O límite é a vosa imaxinación!
OBXECTIVOS
-
Desenvolver a capacidade de escoita activa.
-
Propiciar a crítica constructiva.
-
Valorar as diferentes aportacións sobre un mesmo tema.
-
Relacionar diferentes épocas coa música.
-
Relacionar diferentes arquitecturas coa música.
-
Relacionar diferentes paisaxes coa música.
-
Relacionar diferentes cidades e culturas coa música.
-
Crear pontes entre a historia do pazo Quiñones de León e a música.
-
Poñer en valor entre os cativos o MUSEO QUIÑONES DE LEÓN e a EMMVigo
-
Coñecer o pazo e museo Quiñones de León.
CONTIDOS
-
Asistencia ao Museo Quiñones de León para realizar unha visita musical.
-
Coñecer o pazo e os xardíns do Quiñones de Leon.
-
Coñecer as características da música de diferentes épocas e culturas.
-
Audición activa e comprensiva da música.
-
Relacionar a música cos diferentes paisaxes, espazos e arquitectura.
1 - A música nos pazos e castelos
Nas diferentes épocas da historia o ser humano construiu pazos e castelos, cada un con diferentes estilos dependendo da época, a xeografía e a cultura. Neles tiñan lugar cerimonias, celebracións e reunións onde sempre estaba moi presente a música.
Nesta actividade teredes que decidir que estilo de música corresponde a cada un dos castelos e pazos que vos amosamos.
Propoñemosvos 4 músicas de épocas cercanas a cada un de eles para que poidades ver e escoitar a evolución da música e da arquitectura.
Intenta imaxinarte o ambiente da época!
actividade 1
-
Escoita as 4 música observando as fotos dos 4 castelos/pazos
-
Podes imaxinarte que músicas soaría en cada un deles?
-
Escolle unha música para cada fotografía
-
Explica porqué.
Johan Strauss - Marcha Radeztsky
J.S.Bach - Minuetto en Sol menor
Castelo de Neuschawanstein
S. XIX
Castelo de Guimaraes
S. X
Pazo de Versalles
S. XVIII
Taj Mahal
S. XVII
2 - A música nas cidades
Coa chegada das cidades e a revolución industrial a música sufriu diferentes revolucións aparecendo estilos musicais urbanos e populares. Xéneros de baile onde a raiña das formas musicais era “a canción”.
Dende que a música se puido gravar e reproducir as cancións fixeronse moi populares e os cantantes de todo o mundo puideron ser escoitados en todos os fogares.
Cancións de rock, blues, boleros, baladas, rap, bachatas, reagueton, etc, etc...
Nesta actividade propoñemosvos asociar 5 cancións de diferentes estilos a 5 cidades.
Lembra: O idioma da canción será unha boa pista!
actividade 2
-
Escoita as 5 cancións observando as fotos das 5 cidades.
-
Podes imaxinarte que música soaría en cada unha delas?
-
Escolle unha música para cada cidade.
-
Explica porqué.
Seul
Madrid
Londres
Nova Iorque
2 - A música e a natureza
Dende a sua orixe a música intentou imitar ou simbolizar a natureza, o canto dos páxaros, as paisaxes...
Os compositores moitas veces inspíranse na natureza para crear a súa música. As veces imitan os seus sons e outras intentan suxerir o sentimento que neles crea unha paisaxe.
A música tradicional tamén póde suxerir un tipo de paisaxe, xa que está intimamente ligada a xeografía e cultura da que procede.
Os compositores de música de cine tamén intentan ambientar os escenarios das películas, compoñendo pezas que nos transportan á selva, ó deserto, ou mesmo ó espacio exterior!
Nesta actividade teredes que relacionar imaxes de diferentes paisaxes coas músicas que propoñemos.
Lembrade: Ningunha resposta é incorrecta!
actividade 3
-
Escoita as 4 música observando as fotos das 4 paisaxes.
-
Podes imaxinarte que músicas soaría en cada unha delas?
-
Escolle unha música para cada fotografía.
-
Explica porqué.
Xardín Xaponés
Océano
Fraga Galega
Deserto Arizona
RESPOSTAS SUXERIDAS...
ACTIVIDADE 1
Johan Strauss - Marcha Radeztky - Castelo Neuschwanstein
J.S.Bach - Minuetto en Sol menor - Pazo de Versalles
Raga trio - Musica tradicional de la India - Taj Mahal
Jordi Savall - Stampies an danses royales - Castelo Braga
ACTIVIDADE 2
BTS - Dinamite -Seul
Tribe Called Quest- Electric Relaxation - Nova York
The Clash - London Calling - Londres
C. Tangana&Kiko Veneno - Los tontos - Madrid
Edith Piaf - La foule - París
ACTIVIDADE 3
Berrogueto - Tránsito - Fraga Galega
Debussy - La mer “Jeaux de vages” - Oceano Atlántico
Musica tradicional para Koto e Samishen - Xardín Xaponés
Ennio Morricone - “O bo o feo e o malo” - Deserto de Arizona